Претседателот на САД, Доналд Трамп вели дека веста за пронајдена ефикасна вакцина против коронавирус е објавена по завршување на изборите за да тој не победи.
Трамп вели дека компанијата Фајзер и останатите, чекале да завршат изборите за да објават дека пронашле ефикасна вакцина против коронавирус.
„Немаа храброст да го направат тоа порано“, наведе Трамп и додаде дека американската агенција за лекови требало порано да го објави тоа, „не од политички причини туку за да спаси многу животи“.
„Ако Бајден беше претседател, немаше да ја добиете вакцината уште 4 години, а ФДА немаше да ја одобри толку брзо. Бирократијата ќе уништеше милиони животи“, наведе тој.
Трамп ги нападна и медиумите и ги обвини за мешање во изборите.