Американскиот претседател Доналд Трамп разговара со републикански сенатори за можни санкции против Турција поради купувањето на руските ракетни системи S-400, објави ТАСС повикувајќи се на Белата куќа.
Турскиот министер за надворешни работи Мевлут Чавушоглу претходно рече дека Анкара е подготвена да одговори на Вашингтон доколку САД воведат санкции поради доставките на S-400.
Тој не ја отфрли можноста Турција да преземе „одредени чекори за темата за воената база во Инџирлик“. Според него, Турција смета дека Трамп и американската администрација нема да воведат санкции во рамките на законот „Справување со противниците на Америка преку санкции”.
Се очекува испорака на делови од руските противвоздушни ракетни системи S-400 „Триумф“ да продолжи до крајот на оваа недела.
