Американскиот претседател Доналд Трамп во интервју за „Fox News“ меѓу другото рече дека сака Американците да се однесуваат кон него како што Севернокорејците се однесуваат кон диктаторот Ким Џонг Ун.
Трамп во интервјуто го најави воведувањето на новите царини и го коментираше неодамнешниот самит Г7.
Тој се обиде да ги минимизира очигледните разлики меѓу САД и останатите земји на Г7, при што рече: „Кога заминував од Кина, тоа беше фантастична средба. Се гушкавме, се бакнавме“, рече Трамп. (Самитот се одржа во Канада!)
Трамп го коментираше и одвојувањето на децата мигранти од нивните семејства. За тоа го обвини „законот на демократите“, но таков закон не постои.
Не ја пропушти ни приликата повторно да го нарече ФБИ „ѓубре“ и се закани дека ќе се замеша во правосудството ако „работите се влошат“.
Трамп нагласи дека би сакал Амриканците да се однесуваат кон него како што Севернокорејците се однесуваат кон Ким Џонг Ун.
„Тој е лидер на држава и е силен лидер. Кога зборува, неговиот народ станува и слуша. Сакам мојот народ да го прави истото.“
