Вашингтон, 25 декември 2018 (МИА) – Американскиот претседател Доналд Трамп изјави дека Саудиска Арабија прифатила наместо САД да понуди финансиски средства за обновување на Сирија, која е уништена од војната.
Тој тоа го објави синоќа на Twitter и истовремено му се заблагодари на Ријад.
– Саудиска Арабија се согласи наместо САД да понуди пари потребни за обновување на Сирија. Гледате? Не е ли убаво кога многу богатите земји помагаат во обновување на нивните соседи, наместо тоа да го направат САД, кои се оддалечени 5.000 милји? Ѝ благодариме на Саудиска Арабија, напиша Трамп.