Американскиот претседател Доналд Трамп изјави дека сè повеќе и повеќе е лут на Кина поради ширењето на пандемијата со коронавирусот.
„Додека гледам како пандемијата го покажува своето грдо лице ширум светот, што ја вклучува и огромната штета направена на САД, станувам сè полут и полут на Кина. Луѓето тоа можат да го видат и јас го чувствувам тоа“, напиша Трамп на Twitter.
Трамп во повеќе прилики ја обвини Кина за последиците од коронавирусот, нарекувајќи го вирусот „кинески“ и тврдејќи дека токму неспособноста на Кина доведе до „масовни убиства ширум светот“.
САД се најпогодени од коронавирусот во светот, според податоците на Worldometers, досега се регистрирани над 2,7 милиони заболени, 130.813 смртни случаи и над 1,1 милион закрепнати од COVID-19.
