Претседателот на САД Доналд Трамп потпиша нова уредба околу забрана за влез во САД која се однесува на државјани на осум земји, вклучувајќи ги Северна Кореја и Венецуела.
Новата уредба ќе ја замени досегашната и ќе стапи на сила на 18 октомври, а забраната се однесува на државјаните на Чад, Иран, Јемен, Либија, Сирија, Северна Кореја, Сомалија и Венецуела.
Уредбата подразбира забрана за издавање на виза за државјаните на Сирија на пример, но и суспензија на неимигрантски визи за граѓаните на Венецуела, а која ќе се однесува само на некои владини функционери членови на нивните семејства.
Американските власти соопштиле дека Трамп потпишал нова уредба истиот ден кога претходната, која се однесуваше на шест земји, истече.
„Приоритет број еден за мене е да ја направам Америка безбедна“, напиша Трамп на Твитер после веста за усвојувањето на оваа уредба.