Свет

Трамп: Спијте мирно вечерва, Северна Кореја веќе не е нуклеарна закана

13. јуни 2018 - 14:56 | МИА

Вашингтон, 13 јуни 2018 (МИА) - Северна Кореја веќе не претставува нуклеарна закана нагласи денеска американскиот претседател Доналд Трамп по враќањето во Вашингтон од Сингапур каде имаше средба со севернокорејскиот лидер Ким Џонг Ун.

На Twitter Трамп нагласи дека неговиот состанок со Ким бил интересно и многу позитивно искуство.

– Сега сите може да се чувствуваат многу побезбедно отколку оној ден кога ја презедов функцијата. Нема веќе нуклеарна закана од Северна Кореја. Состанокот со Ким Џонг Ун беше интересно и многу позитивно искуство. Северна Кореја има силен потенцијал за иднината, наведе Трамп.

Тој додаде дека пред да стапи на должност луѓето претпоставувале дека САД ќе влезат во војна со Северна Кореја.

– Претседателот Обама рече дека Северна Кореја е наш најголем и најопасен проблем. Веќе не е – спијте мирно вечерва, напиша Трамп на Twitter.

Коментирај