Американскиот претседател Доналд Трамп повторно ја шокираше јавноста со неговиот вулгарен речник, овојпат во досега необјавено интервју со американскиот радио диџеј Хауард Стерн.
Во интервјуто снимено во 1997 година, само неколку месеци по смртта на британската принцеза, Трамп и Стерн разговараат за тестирање за ХИВ, а претходно, сегашниот американски претседател кажува дека би сакал да спие со Дијана.
„Прво би ѝ рекол ‘Ајде малку да те тестираме’“, вели Трамп во интервјуто.
Во друго интервју од 2000 година што Трамп го снимил со Стерн, тој изјавил дека „без двоумење“ би имал секс со Дијана и додава дека изгледала како супермодел, иако била „малку луда, но тоа е само мал детаљ“.
Трамп исто така покажал голема самоувереност дека може „да ја легне Лејди Ди“.
Во неговата книга „The Art of the Comeback“ тој за неа напиша: „Не можев да не забележам како допира до срцата на луѓето. Ја осветлуваше просторијата со нејзиниот шарм, со нејзиното присуство. Беше прекрасна принцеза, жена од соништата.“
Тој ѝ испратил на Дијана огромен букет за нејзиниот 35 роденден, набрзо откако таа се разведе од принцот Чарлс.
Принцезата Дијана беше позната по нејзината хуманитарна работа со пациенти болни од ХИВ/СИДА и во 1987 година го шокираше светот со фотографиите на кои се поздравува со пациентите без ракавици.
Со овој потег таа направи огромен чекор напред во разбивањето на стигмата околу оваа болест.