Претседателот на САД Доналд Трамп ја напушти Белата куќа неколку часа пред истекот на неговиот претседателски мандат.
Toj пристигна во воената база Ендрјуз од каде претседателскиот авион ќе го пренесе на Флорида, која ја избра за ново место на живеење.
Трамп со себе ги понесе и нуклеарните шифри што ги чува претседателот на САД.
Летот до Флорида ќе биде последниот авион на Трамп во Air Force One. Во случај тој да не слета на дестинацијата до заклетвата на неговиот наследник Џо Бајден, ознаката на леталото ќе се смени бидејќи американскиот претседател повеќе нема да биде во него.
Американските медиуми објавија и за тоа како проблемот со примопредавање на т.н. нуклеарен куфер со оглед на тоа дека Трамп ќе биде оддалечен стотици километри за време на инаугурацијата на Бајден, во Палм Бич, Флорида.
Постојат неколку нуклеарни куфери и спротивно на верувањето на јавноста, не станува збор за некаков клуч или прекинувач, туку збир на шифри, објави телевизиската мрежа NBC. Еден куфер патува за Флорида со Трамп и неговиот сет со шифри ќе истече во 11 часот, 59 минути и 59 секунди по локално време, а сетот со шифри на Бајден ќе се активира точно на пладне.
Резервниот куфер ќе биде со потпретседателот на САД, Мајк Пенс.
