Многумина кои сакаат да се ослободат од вишокот килограми се пред дилема кој е најефикасниот начин за слабеење, трчање или пешачење.
И двете активности се делотворни ако сакате да ослабите. Трчањето секако ќе ви помогне ако сакате да постигнете резултати во пократок временски период. Ќе потрошите повеќе калории за помалку време, но пешачењето е подобар избор за многу луѓе.
Трчањето е напорно и не му годи секому, а доколку имате здравствени проблеми како болки во грбот или зглобовите, одењето е вистинската опција за вас. Ќе ви треба малку повеќе време, но ќе постигнете идентични резултати, а тренинзите нема да бидат напорни.
И двете методи го подобруваат кардиоваскуларното здравје, го намалуваат холестеролот, го регулираат крвниот притисок, го намалуваат ризикот од заболување од дијабетес и придонесуваат за намалување на телесната тежина.
Одењето ќе ве опушти и ќе ви донесе внатрешен мир, а трчањето нуди некој вид еуфорија поради предизвикот со кој телото се соочува. Ако сакате да согорите масти, тоа ќе го постигнете ако секој ден шетате околу еден час, а со трчањето истите резултати ќе ги постигнете за 20 или 30 минути.
Ако се определите за трчање, пред тоа консултирајте се со доктор, купете удобни патики, направете план и почнете да го спроведувате. Подобро е да трчате на отворено отколку на лента за трчање.
Одењето во комбинација со промени во исхраната ќе донесе неверојатни резултати, но мора да бидете доследни и трпеливи.
