Многумина кои го погледнале трејлерот за хорор филмот „Smile“ тврдат дека потоа „ги фрлиле“ телефоните“ поради морничавите сцени.
Трејлерот со голема брзина се рашири на социјалните мрежи, а преполн е со морничави моменти, вознемирувачки насмевки и музика. Станува збор за хорор приказна за жена која почнува да сведочи на чудни настани по трауматична несреќа.
„Само што го фрлив телефонот“, „Нема нешто поморничаво од насмевка без причина“, „Океј, 99% од филмовите ме оставаат во страв, но ова може да потрае“, се дел од коментарите на Twitter.
Луѓето се особено исплашени од сцената во која жена го искривува долгиот врат наопаку и гледа во прозорец на автомобил.
„Мина доста време откако се имам исплашено, возбудена сум поради овој филм“, напиша една гледачка.
Филмот е во режија на Паркер Фин и се темели на неговиот претходен краток филм „Laura Hasn't Slept“. Премиерата е закажана за 30 септември.
