Научно-фантастичната постапокалиптична ТВ-серија „Snowpiercer“ ќе има премиера на 17 мај.
Објавен е трејлерот за новата ТВ-серија „Snowpiercer“, во која дејството е сместено во огромен воз што е во постојано движење, во постапокалиптичната иднина, седум години откако светот станал замрзната пустелија.
Сите преживеани луѓе се сместени во возот Snowpiercer кој станал „светот во мало“ - класните разлики, социјалната неправда и политиката на преживување се нагласени до крајни граници.
„Snowpiercer“ ја раскажува приказната за тоа што ќе се случи кога оние кои биле угнетувани целиот свој живот решаваат да пружат отпор и да кренат револуција.
Серијата е базирана на истоимениот филм од 2014 година на режисерот Бонг Џон-хо, со Крис Еванс и Тилда Свинтон, како и истоимениот стрип.
Улогите во серијата ги играат Џенифер Конели, Давид Дигс, Алисон Рајт, Мики Самнер, Лена Хол, Шила Ванд и Стивен Ог, а режијата е на Џејмс Хејвс (Doctor Who, Black Mirror)
„Snowpiercer“ ќе има премиера на 17 мај на TNT.
