Објавен е нов трејлер за претстојната биографска воена драма Lee, во режија на Елен Курас.
Драмата се базира на биографијата „Животите на Ли“ (The Lives of Lee) од 1985 година, напишана од Милер Ентони Пенроуз, за животот на американската воена фотографка Елизабет Ли Милер.
Филмската адаптација на биографијата го раскажува животот на Ли, поранешна манекенка која стана познат воен дописник и фотограф за магазинот Vogue за време на Втората светска војна. Главната улога во филмот ја доби оскаровката Кејт Винслет, а во филмот се појавуваат и Александар Скарсгард, Енди Самберг, Андреа Рајзборо, Џош О’Конор, Марион Котијар, Џејмс Мареј и други познати ѕвезди.
Според Variety, и покрај противењето жените кои работат на фронтот како воени репортери, Ли успеала да сними клучни фотографии од војната за британскиот Vogue, вклучувајќи ги и последиците од Денот Д. Но, оваа работа не поминала без последици, бидејќи фотографката од прва рака била сведок на брутална војна, која оставила трага на неа.
Сценариото за филмот заснован на биографијата од 1985 година го напишаа Лиз Хана, Мерион Хјум и Џон Коли.
По објавувањето на новиот трејлер, фановите на познатата актерка дојдоа во коментари и помислија дека ова ќе биде уште една улога достојна за номинација за Оскар.
„Ако Кејт не добие Оскар за ова, тогаш ништо не е фер“, „Оваа жена никогаш немала лоша улога во животот“, „Lee изгледа како уште еден филм во кој Винслет ќе биде брилијантна“, „Винслет е главната ѕвезда на филмот, но и остатокот од актерската екипа е одличен“, „Навистина се радувам на овој филм, Кејт сигурно брилијантно ќе ја глуми Ли“, се само дел од коментарите под трејлерот.
Филмот доаѓа во британските и ирските кина во ноември оваа година.
