Легендарниот актер Силвестер Сталоне осум месеци секој ден тренирал по 4 часа за да се доведе до потребната форма за улогата на Рамбо.
На Instagram тој се присети на тој интензивен период објавувајќи видео од строгиот режим низ кој минувал на почетокот на 80-тите години од минатиот век.
„Тој го промени целото негово тело, никогаш не сум видел некој тоа да го има направено“, открива на почетокот актерот Брајан Денехи.
Сталоне станувал во 5 часот наутро, одел во теретана, па цел ден работел и потоа повторно се враќал во теретана. Минувал со часови во борба, одел на курс по стрелање и на лекции за преживување.
Интересно е што следниот месец повторно се враќа во истата улога која го прослави пред 40 години, но сега има 73 години и ќе биде интересно да се види повторно како Рамбо.
