Автоматските менувачи полека почнуваат да го земаат приматот - стануваат сѐ попопуларни бидејќи овоможуваат повеќе да се фокусирате на патот и исто така го олеснуваат движењето во сѐ поголемиот градски сообраќаен метеж.
Меѓутоа, клучен спорен момент кај автоматиците сѐ уште е издржливоста – без разлика на значителниот напредок во однос на изминатите децении.
Поради сложениот систем на функционирање, значително се почувствителни и со самото тоа поскапи за одржување од стандардните рачни менувачи.
Меѓутоа, како и во секој друг сегмент од животот, има добри модели и оние кои треба да ги одбегнете во широк лак.
Моментално, статусот најлош автоматик на пазарот го носи DP0/AL4 на групацијата Renault-Nissan. Француско-јапонската алијанса овој автоматик го користи во поевтините модели како Dacia Logan и Sandero. Меѓутоа, присутен е и во модели на други француски производители, како Peugeot 308 и Citroen C4.
На второ место на оваа неславна листа е првата серија на роботизираниот менувач на Volkswagen под ознаката DSG DQ200.
„Победничката“ тројка ја заокружува менувачот JATCO, познат и како JF011E, кој е застапен во crossover моделите на Nissan - Juke, Qashqai и X-Trail. За него карактеристично е дека по 50.000 поминати километри почнува да појавува зуење.
Секако, без разлика каков менуваач ќе одберете, внимателното ракување и редовното одржување се клучни за неговата функционалност и долговечност, како и за секој друг потрошен сегмент во автомобилот.
