Street Fighter, eдна од игриците поради која парите за ужинка ги трошевме на флипери (ова важи за нас кои сме родени во 80-тите години), слави 30 години, а во чест на овој јубилеј доаѓа и посебно издание на играта.
Играчите на Xbox One, PlayStation 4, Nintendo Switch и PC, од мај 2018 година ќе имаат можност да бидат дел од историското издание на една од најпопуларните и најсаканите игри на сите времиња - Street Fighter.
Славеничкото издание е наречено Street Fighter’s 30th anniversary и ќе содржи 12 аркадни класици: Street Fighter, Street Fighter 2, Street Fighter 2: Champion Edition, Street Fighter 2: Hyper Fighting, Super Street Fighter 2, Super Street Fighter 2: Turbo, Street Fighter Alpha, Street Fighter Alpha 2, Street Fighter Alpha 3, Street Fighter 3, Street Fighter 3: 2nd Impact и Street Fighter 3: 3rd Strike.
Campcom, издавачот на играта, најави дека Street Fighter II: Hyper Fighting, Super Street Fighter 2: Turbo, Street Fighter Alpha 3 и Street Fighter 3: 3rd Strike стигаат со мултиплеер компонента.
Campcom најави и дека играта ќе содржи легемдарни ликови како Ryu и Ken, дека играчите ќе можат да го читаат историјатот на игрите, биографиите на ликовите од сите вклучени игри и други занимливости поврзани со Street Fighter франшизата во претходните три децении.