Три генерации дизајнери споделија: Како се калеше македонската мода?

Александра Спасеска
/ 01.10.2020 / 09:51

Деновиве Скопје навистина живее во моден дух.

Во очекување на денешното отворање на 22. Модниот викенд Скопје во чиј фокус ќе биде одржливата мода, синоќа модните вљубеници имаа можност да уживаат во „час по историја“ за македонската мода.

Настанот насловен „Три генерации македонска мода – пренос на знаење“ што се oдржа вчера попладне на платото на вила Водно, го отвори сопругата на Претседателот на Република Северна Македонија, Елизабета Ѓоргиевска. Првата дама со пиетет зборуваше за основоположниците на модата во нашата земја и важноста да се поддржат младите креативци во нивните понатамошни надградувања, како образовно, така и кариерно.

Исто така ја нагласи нужноста за одржливо, еколошко и етичко работење во модната и текстилната индустрија која тешко беше погодена од пандемијата. Првата дама исто така акцентираше дека со промоцијата на македонскиот дизајн се промовира својата земја и дека таа инсистира на официјални настани во странство да носи креации на македонски дизајнери. 

„Преку промоција на младите дизајнери, да го поддржиме развојот и унапредувањето на македонскиот дизајн, а преку него заштитата на културното наследство и воедно промоција на текстилната индустрија, која има важен удел во развојот на економијата во земјава. Неопходно е да се стави акцент на еколошкиот момент во дизајнот и грижата за животната средина преку креации од рециклиран материјал.“

Дизајнерката со светска кариера и редовен професор на ТМФ Лидија Георгиева, во чии креации често ја гледаме првата дама (како што беше случај и вчеравечер), следеше со ревносна презентација на нејзините почетоци во областа на уметноста, дизајнот и модата, нејзиното образование во Париз и секако - работата во изминативе осум години со студентите на моден дизајн при Институтот за дизајн и инженеринг на облека на ТМФ/УКИМ.

„Интересот за дизајн и креативни индустрии кај нас и во светот е во подем, па така, се работи за интересна презентација, која може да ги мотивира идните креативци, а и оние кои веќе се определени. Јас и професорката Зорица сме завршиле студии во Париз, па секако француската мода и култура ќе бидат во центарот на вниманието“, ни најави Георгиева пред одржувањето на настанот.

Таа потенцираше колку е важно да се вложи во вистинското и квалитетно образование, упатувајќи моќна порака до идните студенти по дизајн и млади дизајнери: Одговорноста е клучен дел од работата на секој кој сака да се нарече дизајнер.

По неа следеше излагањето на вонредната професорка во пензија и костимограф Зорка Тодорова-Младеновиќ, која живописно ни ги пренесе скромните почетоци на идејата за мода и текстилна индустрија во земјава, од 60-тите, па сѐ до нејзината последна ревија во 90-тите.

Тодорова-Младеновиќ сподели многу анегдоти и историски важни моменти за модата во Македонија, а пред модните ентузијасти нагласи дека „дизајнер кој не знае сам да скрои модел или да му објасни на моделарот која е неговата идеја и краен резултат, не е дизајнер“.

Таа исто така ја презентираше нејзината новоиздадена книга „Како да станам моден дизајнер“.

Што може да очекуваме од иднината на модата кај нас (а надежно и во светот), ни покажаа двете апсолвентки при Институтот за дизајн и инженеринг на облека на ТМФ/УКИМ - Љубица Беќарова и Катерина Димитровска – кои ги презентираа своите досегашни трудови и визии за иднината.

Вечерта ја заокружи неформално дружење и вмрежување на присутните гости со организаторите, размена на идеи и дополнително споделување на искуства во различни области од модната индустрија кај нас.

реклама

Најдобри во зодијакот - и астролозите бираат да им се родат децата во овој знак

Read more

Дали треба да ја пиете водата што отстоила преку ноќ во чаша?

Read more

Како изгледаат снимки на белите дробови од вакциниран и невакциниран ковид пациент?

Read more

Јавноста незадоволна од статуата на покојниот пејач: Ако ова е Тоше...

Read more

Живот

Уапсен по грешка: Пакистански таксист ослободен од Гвантанамо по 17 години тортура

Read more

Кои грешки на родителите им ја отежнуваат работата на воспитувачите во градинка?

Read more

Што да направите доколку Вашето куче не сака да се вози во автомобил?

Read more

Три растенија кои носат среќа во домот

Read more
 

Магазин

Уапсен по грешка: Пакистански таксист ослободен од Гвантанамо по 17 години тортура

Читај повеќе
  • play_arrow

Што се случува со белите дробови откако ќе престанете со пушење?

Читај повеќе

Што најмногу сакаат мажите да слушаат за време на сексот?

Читај повеќе

Десерт на денот: Пита со јаболка и суво грозје

Читај повеќе

Шест вежби кои се добри за мозокот

Читај повеќе

Неколку совети како да подготвите вкусно јунешко месо

Читај повеќе
  • filter

Оптичка илузија ја „пресече“ Големата пирамида во Гиза

Читај повеќе

Што ќе се случи на нашето тело ако се тушираме само со вода?

Читај повеќе
  • play_arrow

30 дена студен туш - како ќе реагира телото?

Читај повеќе