Кога станува збор за шминка, секоја година различни козметички производи се во мода. Оваа есен има три производи кои треба задолжително да ги користите.
Сјај за усни
Иако беше омилен во тинејџерските години, оваа есен сјајот за усни е вистински тренд. Овој тренд е идеален за жени кои сакаат да изгледаат природно и свежо, но и за оние кои сакаат да направат пауза од мат кармините.
Може да користите четка за усни наместо апликатор, а сјајот за усни да го комбинирате со молив за усни.
Мат руменило
Кога станува збор за руменило, мат никогаш не излегува од мода. Со овој производ може да ги истакнете контурите на лицето и секогаш да изгледате добро, доколку знаете како правилно да го нанесете. Ве советуваме да го нанесувате со квалитетна четка за да го изблендирате убаво.
Сенки за очи во топли есенски тонови
Ова лето во мода беше природен и свеж изглед со што помалку шминка, а сега е времето кога може да си играте со сенките за очи. Сенките во портокалова, златна и боја на чоколадо се во тренд за оваа сезона.
На сините очи одговараат портокалови и виолетови нијанси, додека на кафеави очи златна и боја на чоколадо.