Овошјето е полно со витамини, растителни влакна и антиоксиданти, а во идеален случај треба да се јаде секој ден неколку пати на ден.
Иако секаков вид овошје е добар и важен за поздрава исхрана, одредени видови може да го зголемат внесот на хранливи материи.
Нутриционистот Џејмс Викерс издвои три овошја што треба да ги јадеме секој ден – тие се нутритивно многу здрави и хранливи и можат значително да ја збогатат вашата исхрана.
Како прва, многу здрава и нутриционистичка богата храна, нутриционистот ги малините.
„Малкумина го знаат ова, но малините се еден од плодовите најбогати со влакна што можете да ги јадете како дел од здрава исхрана. Тие имаат врвни заштитни својства што можат да помогнат во заштитата на вашите клетки од оштетување, како што се магнезиум, витамин К и витамин Ц“, вели нутриционистот.
Меѓутоа, ако малините не се овошје што сакате да јадете, можете да изберете друг вид зрнесто овошје, како што се јагоди, капини, боровинки или црни рибизли. Викерс препорачува да се консумира една чаша од ова овошје секој ден.
Бананите се омилено овошје што е добар извор на пектин, растворливи влакна што се клучни за здравјето на цревата. Исто така, скробот во бананата има пребиотичен ефект што може да го стимулира растот на добрите бактерии во цревата. Покрај растителни влакна, бананите се познати и по други хранливи материи.
„Кога станува збор за основните микронутриенти, бананите имаат и калиум што може да помогне во одржувањето на поздрав крвен притисок и добро здравје на срцето“, истакнува Викерс.
Последните плодови што, според нутриционистот, треба често да се јадат, се сливите.
„Со висока концентрација на антиоксиданти, додавањето на ова овошје во исхраната може да му помогне на телото да се бори против штетните соединенија познати како слободни радикали. Слободните радикали се поврзани со здравствени состојби како што се дијабетес и карцином, а редовното ајдење сливи може да ги намали шансите за развој на болести“, посочува Викерс.
Покрај тоа, нутриционистот истакнува дека сливите содржат малку шеќер, што ги прави одлична опција за оние кои сакаат подобро да го контролираат нивото на шеќер во крвта.
