За многумина лебот е омилена намирница без која не можат да си го замислат днеот. Но, таа бомба од јаглени хидрати доаѓа во многу различни облици, од кои некои се штетни за нашето тело и линијата која сакаме да ја држиме. Тогаш, што би се случило во човечкото тело доколку целосно би го исфрлиле белиот леб?
Лебот е полн со јаглени хидрати, а нивното нагло исфрлање од прехранбените навики веднаш ќе се одрази врз вашето тело и тоа во облик на губиток на килограми. Но, не станува збор само за инстант слабеење, туку за губиток на вода која се насобира во телото.
Телото складира јаглени хидрати во облик на гликоген, млечна киселина која собира вода. Секој грам јаглени хидрати што е задржан во телото со себе задржува и врзува три до четири пати повеќе вода од својата тежина.
Преработените јаглени хидрати, со какви што е преполн белиот леб, во вашиот организам предизвикуваат ненадејно зголемување и скок на шеќерот во крв, кој потоа брзо паѓа. Овие луди промени на мозокот ми испраќаат нејасни сигнали кои го зголемуваат чувството на глад и желбата за храна, поради што се дебелиме.
Но, тоа не значи дека од исхраната мора потполно да го исфрлите лебот, туку празните калории и белиот леб да ги замените со лебот направен од интегрални житарици, кои го регулираат и балансираат шеќерот во крвта.
За разлика од интегралниот леб, познат уште и како црн леб, белиот не содржи влакна кои се многу потребни за нормална работа на цревата и варењето. Таквата храна предизвикува запек и проблеми со варењето.
Откако ќе го исфрлите белиот леб од менито и во секојдневната исхрана ќе внесете сеопфатни житарици, варењето ќе започне да работи нормално и олеснето.
Исто така, јаглените хидрати се храна и гориво за мозокот. Доколку тоа е квалитетно, мозокот ќе работи нормално, без пречки, но ако таа храна што мозокот ја добива не е здрава, телото реагира негативно и се појавува чувство на омалаксаност и замор.
