Овие три работи влијаат на сексот, но немаат врска со него. Или барем така повеќето мислат.
Квалитетна исхрана
Вие сте тоа што го јадете, затоа бидете внимателни со храната. Ако по цели денови грицкате чипс и нездрава храна, тешко дека ќе бидете опуштени во кревет. Подуен стомак од гасови не е нешто практично и привлечно во сексот. Затоа, јадете здрава храна и бидете внимателни со исхраната.
Цврстата, мазна кожа без целулит и фит формата ќе направат да бидете задоволни од самите себе. А, кога вие сте среќни во вашата кожа, тогаш зрачите од среќа па и другите ќе бидат одушевени од вас.
Внимание
Во што е разликата меѓу добриот и одличниот секс? Во вниманието што го посветувате на партнерот, а и тој вам. Слушајте го додека зборува, гледајте го в очи. Допирајте го и набљудувајте како реагира на вашите допири во текот на денот.
Истото применете го и во креветот.
Грижете се за себе
Задоволната личност е сексуално привлечна. Едната работа привлекува друга. Дали сте забележале како мажите се фокусирани на себе во кревет и надвор од него? Без малку чувство на вина, главно го прават тоа што сакаат додека жените се жртвуваат за други.
Грижата за себе не е само одење во фризерски салон, на масажа, вежбање јога или аплицирање ноќни креми на лицето. Грижата е многу повеќе, тоа е прифаќање и сакање себеси.
Тоа значи слушање на личните желби и потреби и нивно исполнување. Жената која знае што ја прави среќна, која не се плаши да ги исполни своите желби, е жена со која секој би сакал да биде во кревет и надвор од него.
