Професионалната хигиеничарка Бејли Карсон откри кои места во домот не ги чистиме доволно често.
Карсон истакнува дека повеќето луѓе не ја чистат многу често кантата за отпад, а токму поради тоа може да се појави непријатен мирис во домот.
„Иако вреќите за смет може да го намалат мирисот, кантите и понатаму може да го задржат мирисот и со текот на времето да се појават бактерии“, вели Карсон.
Таа препорачува нивно темелно миење барем еднаш во два месеци. Може да ги измиете со топла вода и средство за чистење, а потоа да ги дезинфицирате со средство за дезинфекција.
Завесите за туширање треба темелно да се мијат барем неколку пати годишно, советува Карсон.
„Влагата на завесите е идеално место за развој на мувла. За да спречите најчистото место во домот да стане највалкано, завесите перете ги на секои неколку месеци, советува Карсон.
Завесите од ткаенина може да ги перете во машина за алишта, додека пластичните завеси потопете ги во вода во која претходно сте ставиле средство за чистење. По некое време исплакнете ја завесата со студена вода и оставете да се исуши.
Многумина забораваат да ја одржуваат хигиената на мобилните телефони. Со оглед на тоа дека сите ги користиме мобилните секојдневно и најчесто, потребно е и нивно секојдневно чистење.
„Бактериите може многу лесно да преживеат на мазни површини, кога мобилниот го ставаме на уво во текот на разговор или кога го допираме екранот, се изложуваме на бактерии“, вели Карсон.
За темелно чистење на мобилниот потребно ви е марамче за дезинфекција со кое ќе ја пребришете предната и задната страна на уредот. На сличен начин може да ги чистите и другите уреди кои секојдневно ги користите
„Минималната, но секојдневна дезинфекција е навика којашто ќе ви помогне домот да го одржите чист и здрав“, советува таа.