Повеќето работи за кои мислите дека претставуваат некаков проблем, во реалноста не се. Сè што е потребно за добар секс е да научите дека не треба да се оптоварувате со непотребни работи.
Важно е да се опуштите и да верувате во себе, не заборавајте дека најчесто сами себе сте си најголем непријател. Секс-терапевтката Кортни Кокс има совети за тоа што не треба да размислувате додека сте во кревет, ако сакате добра акција.
„Ако не претставува замена за регуларен секс, тогаш нема ништо лошо во мастурбацијата. Тоа не значи дека немате доволно секс или дека имате лош секс, туку дека може да се задоволите кога вашиот партнер не е расположен за интимни односи“, вели таа.
„Истражувањата покажуваат дека дури 80 проценти од луѓето го прават ова. Колку и да го сакате партнерот, тоа нема да ве спречи да почувствувате дека и други личности ве привлекуваат, тоа е во човечката природа. Фантазирањето за некој друг е разумен начин да се препуштите на „прељуба“. Многу подобро отколку тоа да го направите во реалноста. Но, да бидам јасна, секој пат кога фантазирате за друг, особено ако тој постои во вашиот живот, тоа е лош знак и назнака дека сте подготвени да го направите тоа и во реалноста“, тврди таа.
Многу малку парови, особено оние во долга врска, имаат експлозивен секс од кој нозете потоа се тресат. Со текот на времето, се намалува сексуалниот интензитет и тоа е нормално. Некогаш сексот ќе биде изразување љубов или физичка потреба, а некогаш ќе биде преполн со страсти.
