Сте направиле поголема пауза во вежбањето, но сте подготвени да се вратите во теретана. Добрата вест е дека не ви недостига мотивација, но внимавајте да не се префорсирате.
Ова се три совети како без проблеми да се вратите во форма:
Поставете си краткорочни цели
Вашите фитнес цели треба да бидат доволно големи за да ве одржат мотивирани, но за почеток нека бидат остварливи на краток рок. Поставете си цели од кои може да забележите напредок за една недела или две. За почеток тоа е број на часови што неделно ги поминувате во теретана, постигнување кондиција и слично. Тоа дополнително ќе ве мотивира да продолжите кон поголеми цели.
Не почнувајте веднаш со интензивни тренинзи
Со оглед на тоа дека поминало збачително време од последниот пат кога сте тренирале, најлошо нешто што може да си го направите е да „удрите“ на интензивен тренинг од кој ќе добиете воспаление на мускулите и ќе мора пак да направите пауза, што значително ќе ве демотивира. Првите тренинзи нека бидат кратки и умерени, па постепено засилувајте го темпото и интензитетот на вежбите.
Разновидност во вежбањето
Ако сте вежбале претходно, сигурно знаете кој тип на вежби ви одговараат, но за да ги постигнете вашите фитнес цели и да отидете едно ниво погоре треба да направите промени. Покрај основниот тренинг, во текот на неделата вметнете нешто ново: пилатес, јога, скокање со јаже, пливање, танц, пешачење, планинарење... Ќе ја забележите разликата во начинот на кој го јакнете телото, но и во расположението за вежбање.