Откако во последните години туристите ги избегнуваа поради прилично затегнатата политичка состојба и падот на безбедноста, земјата на фараоните, како и Тунис и Турција повторно се враќаат на туристичките мапи и туристите полека, но сигурно пак се одлучуваат за нив.
Во најголем пораст се резервациите за фамилијарен одмор, а познатата туристичка агенција Томас Кук во јавноста излезе со податок, дека продажбата на аранжмани во Турција забележала скок за неверојатни 84 отсто.
За враќањето на туристите во Турција најзаслужни се пристапните авионски карти и евтините хотелски сместувања.
Турција оваа година ја очекуваат 38 милиони странски туристи, а следната година се подготвуваат за рекорден број на посети.
Слично е и со Египет, земја која изобилува со богато културно наследство.
Во првото тромесечие оваа година, Египет го посетија 30 отсто повеќе гости отколку во истиот период од претходната година.
Ситуацијата е многу подобрена и во Тунис, каде е забележан раст од 23 отсто.
Во секој случај, зголемувањето на безбедноста и враќањето на туризмот е одлична вест за оваа земја, како и за туристите ширум светот.
