Според извештаите на Геодинамичкиот институт во Атина, утрово, 17 февруари 2025 година, грчкиот остров Санторини го погодија три земјотреси.
Првиот земјотрес со јачина од 4,2 степени се случи синоќа во 22:55 часот по локално време, вториот со јачина од 4,5 степени во 01:08 часот, а третиот, најсилен, со јачина од 5,1 е регистриран нешто пред 10 часот. Епицентарот на последниот земјотрес бил на 18 километри источно од Фира, главниот град на Санторини, а потреси биле почувствувани и во регионот на Атика, вклучувајќи ја и Атина.
Сите земјотреси се дел од континуираната сеизмичка активност која е во тек од 26 јануари 2025 година, при што се забележани повеќе од 16.900 земјотреси со јачина поголема од еден по Рихтеровата скала.
Поради ваквата состојба на неколку острови во регионот, меѓу кои и Санторини и Аморгос, е прогласена вонредна состојба која ќе трае до 14 март.
