Тригодишниот Зајн Софуоглу е најновата сензација на друштвените мрежи. Иако има само три години, искусил повеќе отколку што повеќето возрасни во целата своја возачка кариера. Но, многумина го осудуваат и ги критикуваат родителите кои му го овозможуваат ова бидејќи го доведуваат во опасност.
Малиот редовно вози играчки за богати. Не му е проблем ни да седне зад управувачот на моторцикл, а му треба само помош при стартување. За возење на Ferrari, не му треба ни оваа помош. Бидејќи не може да гледа над воланот, има на располагање дисплеј со камера преку кој успешно управува со автомобилот.
Неговиот татко, мотоциклистот Кенан Софуоглу, има целосна доверба во него и му дозволува да вози Ferrari SF 90 Stradale, кој има речиси 1.000 коњски сили. Тој тврди дека неговиот син вози одлично, но и дека сите видеа се снимени во контролирани услови. Што и да значи тоа.
