Ноќеска се одиграа 12 натпревари во НБА лигата, а први ѕвезди на вечерта беа Лука Дончиќ и Леброн Џејмс.
Дончиќ полека се враќа во својата препознатлива форма, предводејќи го Далас Маверикс до победа над Оклахома Сити Тандер со 104:102.
Одличниот Словенец со трипл-дабл ефект од 20 поени, 11 скокови и 12 асистенции го предводеше Далас до 25-тиот сезонски триумф.
Ова беше 41. трипл-дабл за Дончиќ во кариерата во дресот на тимот од Далас, а колку е оваа бројка имресивна говори и фактот дека останатите 349 кошаркари кои го носеле дресот на Маверикс имаат остварено вкупно 40 трипл-дабли.
Голема помош имаше од Дориан Фини-Смит (17 поени и 10 скокови), Џејлен Брансон (14 поени и 8 асистенции) и Латвиецот Кристапс Порзињѓис (13 поени и 8 скокови).
Од друга страна, Шеј Гилџес-Алекзандер беше подобар од останатите со 34 поени, 6 скока и 5 асистенции.
Леброн Џејмс одигра уште еден во серијата одлични натпревари и ги предводеше Лос Анџелес Лејкерс до победа од 101:95 над Јута Џез, победа која го изваде тимот од Лос Анџелес од негатива и сега е со скор од 22 победи и 22 пораза.
Тој постигна 25 поени и забележа 7 скока и 7 асистенции. Расел Вестбрук додаде 15 поени со 8 скока, а Стенли Џонсон исто така додаде 15 поени.
Во редовите на Јута најефикасен беше Мајк Конли којпостигна 20 поени, додека Французинот Руди Гобер еден помалку - 19.
Резултати:
Бостон Селтикс - Њу Орлеанс Пеликанс 104:92
Њујорк Никс - Шарлот Хорнетс 87:97
Вашингтон Визардс - Филаделфија 76ерс 117:98
Кливленд Кавалирс - Бруклин Нетс 114:107
Мемфис Гризлис - Чикаго Булс 119:106
Лос Анџелес Клиперс - Индијана Пејсерс 139:133
Aталанта Хокс - Милвоки Бакс 121:114
Орландо Меџик - Портланд Треил Блејзерс 88:98
Мајами Хит - Торонто Репторс 104:99
Далас Маверикс - Оклахома Сити Тандер 104:102
Сан Антонио Спарс - Феникс Санс 107:121
Лос Анџелес Лејкерс - Јута Џез 101:95
Табела:
