Дознајте кои три грешки ги прават повеќето, а поради кои зимницата секогаш се расипува.
Сезоната на зимница одамна е почната и многумина веќе ги подготвуваат омилените специјалитети по проверен рецепт. Но, дури и кога ја правиме зимницата по сигурни методи, се случува на крајот содржината во теглата да се расипе.
Што правиме погрешно?
Ова се најчестите грешки:
1. Неправилно стерилизирани тегли
Ако теглите се лошо стерилизирани во нив може да останат бактерии и разни штетни микроорганизми кои ќе доведат до ферментација на овошјето и зеленчукот. За да го избегнете ризикот од ова, важно е да се изведе темелна дезинфекција.
Добро измиените тегли и капачиња се редат во плех и се ставаат во рерна загреана на 180 степени. Важно е теглите и капачињата меѓусебно да не се допираат. Оставете да се исушат 15 до 20 минути, па извадете го плехот да се оладат. Водете сметка зимницата да биде добро затворена, односно добро зацврстете ги капачињата за да е влезе воздух.
2. Употреба на презреано овошје и зеленчук
Презреаното овошје и зеленчук многу побрзо ќе се расипат и распаднат, дури и кога користите конзерванси. Бирајте цврсти плодови, кои не се оштетени и немаат точки кои укажуваат наскоро расипување.
3. Лоши места за чување
За да преживее зимата, зимницата мора да се чува на место каде нема провев, влага, топлина, директна изложеност на сонце. Сите овие фактори влијаат на забрзана ферментација на овошјето и зеленчукот и нивно брзо расипување.
