Тројца кинески астронаути се вратија на Земјата по шестмесечна мисија на кинеската вселенска станица Tiangong, пренесе BBC.
Екипажот замина во вселената на 5 јуни за да ја надгледува последната фаза од изградбата на вселенската станица Tiangong, која беше успешно завршена во ноември.
Шест месеци подоцна, екипажот се врати дома со вселенското летало Shenzhou 14, кое вчера слета во Монголија. Кинеската вселенска агенција ја прогласи мисијата за „целосно успешна“.
Командантот Чен Донг и неговите колеги изјавија дека се чувствуваат добро.
Лиу Јанг е првата жена астронаут во Кина, а по враќањето дома рече дека никогаш нема да го заборави искуството од престојот во станицата. Додаде дека е возбудена поради враќањето дома.
Астронаутите изведоа три вселенски прошетки за да ги проверат и тестираат новите делови на Станицата.
Нов екипаж замина на Станицата со вселенското летало Shenzhou-15 и ќе престојува шест месеци во вселената.
Кина во 2011 година беше исклучена од програмата на Меѓународната вселенска станица, предводена од американската вселенска агенција НАСА.
Ова беше последната од 11-те мисии потребни за составување на станицата, која треба да работи 10 години и да спроведе експерименти во услови на речиси нулта гравитација.
Новиот екипаж ќе се фокусира на инсталирање на објектите во станицата.