Најмалку три лица се повредени во пожарот кој избувнал во кујната на конгресниот центар за време на конференцијата на компанијата Google во Калифорнија, соопштија противпожарните служби.
Инцидентот се случил во центарот Shoreline, во градот Mountain View, во центарот на Силицијумската долина.
Портпаролот на противпожарната служба соопштил дека три лица се хоспитализирани, додека едно од лицата има сериозни повреди. Повредените биле вработени во центарот.
Местото каде избувнал пожарот најчесто се користи за концерти.