Во меѓусебна расправија, синоќа на бул. „Видое Смилевски Бато“ во Скопје, малолетникот Б.В бил нападнат и со остар предмет прободен во грбот од малолетникот С. Д, кој бил заедно со неговиот брат Н.Д (22).и уште едно постаро лице.
Нападот се случил во моментот кога Б. В сакал да си замине, при што од позади бил прободен со остар предмет во пределот на грбот, по што успеал да избега и потоа со возило на Итна медицинска помош е пренесен во Градска општа болница “Наум Охридски“. Од страна на доктор првично се констатирани телесни повреди и истиот е задржан на лекување.
Подоцна околу полноќ во Ургентниот центар, лекарска помош побарале и Д. Д. (45) и Н. Д., татко и брат на С.Д. Истите се пожалиле на повреди кои ги здобиле од истиот настан, а биле нападнати од лицата кои биле во друштво на Б.В.
Од страна на доктор кај двајцата се констатирани телесни повреди и се пуштени на домашно лекување. Известен е Дежурен Јавен обвинител, кој дал насока настанот првично да се третира како – нарушен јавен ред и мир со меѓусебна тепачка. Се преземаат мерки за расчистување на случајот.
