Германското телевизиско шоу Heute Show одбра повеќе слики од последната посета на Трамп во Велика Британија и на секоја од нив го замени неговиот лик со џиновското бебе-балон кое Британците го направија специјално за американскиот претседател.
Балонот е со лицето на Доналд Трамп, носи огромна пелена и Британците го употребија во знак на протест против посетата на американскиот претседател.
„Балонот беше дизајниран за да му се обрати на Доналд Трамп на единствениот начин кој тој го разбира – преку лични навреди. Поголемиот дел од светот вака го доживува Трамп, популарното мислење е дека тој е големо, луто бебе. Секогаш кога нешто не му оди според планот, тој се лути“, вели Лео Мареј, активист и организатор на протестите.
Поради тоа, германското телевизиско шоу Heute Show направи мала галерија од фотографии кои го прикажуваат Трамп во „неговото вистинско светло“.
„Не сум среќна поради поканата која ја доби еден мизогинист, расист, перверзник од мојата земја. Тој треба да биде сметан како непријател, а не да добива покани за посета“, рече артистката Ени Џефс.
Претходно, на собирот на земји-членки на НАТО, Трамп ја обвини Германија дека си поигрува со безбедноста на останатите земји со тоа што дава големи суми за обезбедување гасовод на Русија, земјата од која НАТО најмногу сака да се заштити.