Вики Сим од Мелбурн е сопственичка на теретана, а во текот на целата бременост тренира бокс и здраво се храни. Таа вели дека тренингот ѝ помогнал полесно да се справи со утринските мачнини во бременоста.
Вики има 39 години и во текот на бременоста се здебелила 11 килограми.
„Ќе ми беше многу тешко ако требаше да престанам со вежбањето во бременоста, но за среќа немаше причини за тоа. Цело време тренирав бокс, тоа се тренинзи во кои нема борба“, вели таа.
Секоја бременост е различна и секоја трудница подлежи на рестрикции, но кога вежбањето е дозволено, тогаш е и корисно за идната мајка.
„Важно е да се запамети дека сите сме различни и дека тоа што е добро за мене, можеби не е добро за вас. Не ги слушајте мислењата на другите, освен советите на докторот“, вели Вики.
Таа пред да дознае дека е бремена вежбала 4 часа неделно, а со истото темпо продолжила и во текот на бременоста. Сега го очекува своето прво дете, тренира бокс на вреќа три пати неделно по 30 минути, дига тегови два пати неделно и пешачи еднаш неделно по еден час.