Хрватскиот тренер Игор Тудор го презеде Јувентус, а сега се откриени интересни детали околу неговиот ангажман во клубот чиј дрес го носеше како играч.
Игор Тудор во Јувентус дојде на местото на Тиаго Мота, кој вчера доби отказ. Според La Gazzetta dello Sport, Мота телефонски го добил отказното решение.
Италијанските медиуми објавија дека Тудор за што поскоро да потпише договор со новиот работодавец, во неделата се седнал во својот автомобил и по 10 часа возење (1.000 километри) вечерта пристигнал во Торино.
Истите извори наведуваат дека неговата плата до крајот на сезоната ќе биде 500.000 евра.
Во договорот има и клаузула според која договорот на Тудор може да биде продолжен за целата наредна сезона, а сѐ што треба да направи за тоа е да се пласира во Лигата на шампионите оваа сезона.
Инаку, Јуве има право да ја прекине соработката без дополнително објаснување до 30 јули годинава.
Хрватскиот стручњак, откриваат Италијанците, веќе имал средба со навивачите на „Старата дама“ во понеделник наутро, а се планира веднаш да го води првиот тренинг.
Ова нема да му биде прва авантура во Јуве бидејќи му беше асистент на Андреа Пирло во периодот од 2020-2021.
Тудор го презема Јувентус по двата катастрофални порази (4:0 од Аталанта и 3:0 од Фиорентина). Клубот моментално е на петтото место, со еден бод помалку од Болоња, која се наоѓа на четвртото место, последно кое обезбедува пласман во Лигата на шампионите.
