Овој туна омлет можете да го правите за појадок, за ручек или за вечера.
Ако сте подготвени да пробате малку поинаков омлет, ова е вистинскиот рецепт.
Потребни состојки:
- 1 конзерва туна
- 2 јајца
- 1 лажичка сол
- ½ лажичка бибер
- 1 лажичка лук во прав
- ½ лажичка чили во прав
- 2 лажици путер
- 1 кромид
- моцарела
- магдонос
Подготовка:
Во сад истурете ја туната со двете јајца и додадете сол, бибер, лук во прав и чили во прав, па убаво измешајте дробејќи ја туната.
Во тава загрејте 2 лажици путер и кога ќе се стопи ставете на тркалца исечкан кромид да се пржи. По некоја минута истурете ја смесата со туна. Убаво распоредете ја, покријте со капак и оставете да се готви 15 минути. Потоа со помош на чинија префртете го омлетот за да се пржи и од другата страна, а одоизгора додадете рендана моцарела. Покријте со капак и оставете уште 10 минути.
На крај украсете со магдонос.
