Регион

Турција негира дека нејзини авиони го пресретнале хеликоптерот на Ципрас

25. март 2019 - 16:54 | МИА

Армијата на Турција денеска ги негираше тврдењата на грчкиот премиер Алексис Ципрас дека турски воени авиони го пресретнале хеликоптерот со кој тој патувал островот Агатониси.

– Турски ловци не учествувале во предизвикување тензии со хеликоптерот со кој патувал грчкиот премиер Алексис Ципрас, изјави претставник на турската Армија, додавајќи дека „авионите само вршеле рутински мисии во реонот“.

Ципрас денеска по повод грчкиот национален празник присуствуваше на свеченост на островот Агатониси, што се наоѓа во близина на брегот на Турција, каде изјави дека турски авиони го пресретнале неговиот хеликоптер и го принудиле да лета ниско и да прави маневри, сѐ додека не интервенирале грчки воени авиони.

Коментирај