Туркије - кој го силува македонскиот јазик?

Во последно време сѐ почесто сме сведоци на погрешна употреба на името за државата Турција кое иако на македонски јазик воопшто не е променето, некои на своја рака си играат мајтап со нашиот јазик, речиси сигурно од незнаење.

„Oпштина Аеродром ќе обезбеди средства за настраданите од земјотресот во Туркије и Сирија“.

„Солидарност и грижа за Туркије и Сирија!“

„Денеска на предлог на Министерството за одбрана Владата донесе одлука за испраќање на дополнителни 36 припадници од специјалните сили обучени за спасување и претрага во урнатини кои ќе учествуваат во хуманитарната операција во Република Туркије“.

Ова се само три примери како во македонскиот јазик на задна врата влегува збор кој воопшто не постои. Првиот пример е од официјална објава на Општина Аеродром, вториот од еден медиум, додека третиот од Facebook профилот на министерката за одбрана, која, рака на срце, по реакцијата на јавноста во наредните објави се поправи.

Ако за обичниот народ е нормално да биде збунет од промената на името која Турција ја направи, недозволиво е медиуми и државни органи да не си го познаваат сопствениот јазик.

Забуната настана кога во јуни минатата година Обединетите нации го усвоија официјалното барање на Анкара за промена на англиското име на Турција, со што земјата во ОН од Turkey стана Türkiye.

Разбирлива и оправдана е причината поради која Турција се реши на ваков чекор со оглед на тоа што англиското име Turkey истовремено на англиски значи и мисирка, само со мала почетна буква (turkey).

Türkiye на македонски е Турција

Од тој момент куп македонски медиуми се излажаа и почнаа јавноста да ја информираат користејќи некој вид на македонизирана кирилична варијанта на Türkiye, односно Туркије. Согласно правилата за транскрипција на странски имиња во Правописот на македонскиот литературен јазик, Туркије навистина би било точна варијанта - само што... не постои!

Откако почнаа да се пишуваат глупости, најмногу по електронските медиуми, претседателот на Советот за македонски јазик, проф. д-р Људмил Спасов, уште во јули објасни што оваа промена значи за македонскиот јазик.

„Ние си имаме наша транскрипција. На пример, не велиме Финланд, туку Финска, не велиме Дојчланд, туку Германија, не велиме Шќиперија, туку Албанија. Или, на пример, кај нас не е Београд, туку Белград. Во ред би било ако се пишува од влада до влада да стои и новото име во заграда, но за наша домашна употреба останува исто - Турција, а со тоа и изведенките си остануваат исти“, објасни професорот во изјава за Факултети.мк.

Така, во македонскиот јазик никогаш не настана промена на името на оваа наша пријателска држава. Официјална Анкара има право да побара од нашата влада да се промени македонското име за оваа држава, но исто така нашата влада има право да не го прифати тоа барања бидејќи сепак е мешање во самиот македонски јазик.

Грузија сакаше да стане Џорџија

Такво барање пред 12 години имаше доставено владата на Грузија која побара македонското име Грузија да биде заменето со англиското Џорџија или оригиналното Сакартвело (или Сакартвелија). На англиски Грузија се вика Georgia, што во македонскиот јазик би било исто како сојузната американска држава Џорџија, додека на својот грузиски јазик се нарекува Sakartvelo (საქართველო), што би било крајно необично за нашиот народ. Барањето на Грузија беше поради тоа што името Грузија доаѓа од руското име за државата - Грузия, а земјата тогаш беше во војна со Русија. Македонската влада го одби овој предлог и Грузија си остана Грузија.

реклама

Ангелов бара кружен тек кај збунувачката крстосница со чести сообраќајки во Аеродром

Read more

Тројца исчезнати туристи во Грција најдени мртви

Read more

Тешки бетонски блокови пред паѓање висат од тераса спроти Владата, предупредува ЦУК

Read more

Кои раси на кучиња живеат најдолго?

Read more

Теми и коментари

ХПВ инфекцијата не треба да биде смртна пресуда: Колку системот ги препознава здравствените проблеми на жените?

Read more

Ден на планетата Земја: Како со нашите модни избори гласаме за иднината?

Read more

Зошто смртната казна нема да спречи свирепи убиства?

Read more

Зошто театарот ни е потребен повеќе од кога било?

Read more
 

Ново

Најздравата риба во светот што треба да ја јадете еднаш неделно

Читај повеќе

Мбапе ги повика младите Французи да гласаат: Екстремистите се многу блиску

Читај повеќе

3 суплементи кои не треба да ги земате на своја рака

Читај повеќе

Едноставен трик за да ги отстраните дамките од белите алишта

Читај повеќе

Откриен нов вид „екстремно агресивна“ змија

Читај повеќе
  • play_arrow

Трамп го прозва Бајден на когнитивен тест, па направи гаф во следната реченица

Читај повеќе

Што ќе ве разлади подобро - топла или ладна вода за пиење?

Читај повеќе

Киев: Русија ги засили нападите за време на мировната конференција во Швајцарија

Читај повеќе

Проверете една работа во автомобилот пред да тргнете на патување

Читај повеќе