Како што претходно најави на Facebook, Koenigsegg го надмина светскиот рекорд за забрзување од место до 400 км/ч и повторно застанување на 0 што неодамна го постави Bugatti Chiron, и тоа за скоро 6 секунди.
Овој неверојатен резултат го забележа моделот Koenigsegg Agera RS во силна погонска конфигурација преземена од моделот One:1, со која располага со снага од 1.379 коњски сили.
Зад воланот седеше тест-возачот од фабриката на шведската компанија за суперспортски автомобили Никлас Лил, а рекордот го постигна на 1 октомври на стаза во Данска, но беше соопштен дури сега.
Agera RS молскавично забрза од 0 до 400 км/ч за што му беа потребни 26,88 секунди и 1.958 метри од пистата, а во наредните 9,56 секунди и 483 метри од пистата закочи до 0.
Вкупното време изнесува 36,44 секунди, а за поставување на новиот светски рекорд му беа потребни вкупно 2.441 метри писта.
Претходно, најдоброто време 0-400-0 км/ч официјално го држеше Bugatti Chiron и тоа го постави пред помалку од еден месец. Рекордот на Bugatti изнесуваше 41,96 секунди.
