Авион Boing 737-800 на авиокомпанијата Pegasus Airlines излета од пистата на аеродромот во Трабзон, Турција.
Авионот се зализгал на пистата при слетување и потоа почнал стрмоглаво да се движи надолу по карпите кон морето.
За среќа, членовите на екипажот на лет успеале да ги евакуираат сите патници на време и нема повредени.
Авиокомпанијата излезе со соопштение набрзо по инцидентот:
„Со жалење известуваме дека авионот Boeing 737-800 тип TC-CPF, регистриран на авиокомпанијата Pegasus Airlines со број на лет PC 8622 од Анкара за Трабзон имаше инцидент на пистата за време на слетување. Сите 162 патници, двајцата пилоти и четворица членови на екипажот безбедно се евакуирани од авионот. Нема повредени или загинати во инцидентот.“
Уште не е позната причината за инцидентот.