Еден пратеник е повреден во тепачка што се случи во турскиот парламент, пренесе The Independent.
Станува збор за пратеникот Хусеин Орс, кој во текот на конфликтот во парламентот добил удар во главата, по што бил пренесен во болница.
„Неговата состојба се влоши по ударот во главата. Во болница му беше извршена дефибрилација на срцето“, изјави пратеничката Алин Цесур.
На телевизиска снимка се гледаат десетици членови на владејачката партија на турскиот претседател Реџеп Тајип Ердоган како се судираат со опозицијата. Конфликтот избувна во текот на тензична расправа за буџетот наменет за идната година.
Приватната новинска агенција DHA пренесе дека Орс има проблеми со срцето и превентивно е сместен на одделението за Интензивна нега.