Турските фудбалери на удар поради поддршка на Ердоган и инвазијата во Сирија

Навивачите на Сент Паули бараат Џенк Шахин да биде исфрлен од тимот, на удар се и Илкај Ѓундоан од Манчестер Сити и јувенташот Емре Џан поради постапките на социјалните мрежи.

„Ја поддржуваме нашата херојска војска и армија. Нашите молитви се со вас“, напиша Шахин на Instagram поддржувајќи ја турската инвазија на Сирија каде на мета се локалните Курди.

„Не е прва глупост на Шахин на оваа тема. Во минатото веќе се има изразувано националистички, режимски и со презир кон загинати Курди. Бараме повеќе да не го носи дресот на Сент Паули“, стои во соопштението на навивачите на германскиот второлигаш за кој Шахин игра од 2016. Инаку Шахин не настапува за Турција, но дава поддршка.

Илкај Ѓундоан и Емре Џан додатно ги разбеснија своите клупски фанови бидејќи ставиле лајк на сликата објавена од стрелецот на победничкиот гол против Албанија, Џенк Тосун, на која тој војнички отпоздравува. Инаку двајцата настапуваат за Германија, а претходно одбија да играат за Турција.

„За нашата нација, особено за оние кои си ги жртвуваат животите за нацијата“, напиша Тосун на Instagram со фотката од поздравот, а која ја лајкнаа Ѓундоан и Џан.

„Лајкнав слика на мој добар другар. Другар со кого живеев во Манчестер, кој имаше тежок период во Евертон и кој постигна решавачки гол за својата репрезентација. Фрустрирачки е кога гледам какви работи се пишуваат и какви претпоставки се прават само поради еден обичен лајк. И други 20 илјади имаат ставено лајк на таа слика, меѓу нив и фудбалери од целиот свет. Разочарувачки е што од сите овие лајкови се издвојуваат само мојот и на Емре и за нив се измислуваат приказни. Немавме политички намери, тоа беше само поддршка на наш другар. Ние сме против било каква војна во било кој дел од светот“, се правдаше Ѓундоан.

Тој во 2018 заедно со Месут Озил беа критикувани кога објавија слика на која се со турскиот претседател Реџеп Тајип Ердоган. Ѓундоан се извини, додека Озил се караше со сите бранејќи ги своите причини.

„Немаше никаква политичка порака, тоа беше замо еден спортски поздрав. Не ми се допаѓа војната, се надевам дека секој ден ќе има мир во светот. Немам што друго да кажам на оваа тема бидејќи не испратив никаква политичка порака“, рече Емре Џан.

Во Италија на мета се Џенгиз Ундер од Рома и Мерих Демирал од Јувентус поради твитови со поддршка за одлуките на Ердоган. Демирал е единствен од овие кој всушност играше против Албанија во петокот, а на сликата горе е со број 3.

реклама

Голем месечен хороскоп за април 2024: Ретрограден Меркур им ги мрси конците на неколку знаци

Read more

Зошто треба да ставите алуминиумска фолија зад рутерот?

Read more

Едноставен и брз метод: Белите патики повторно ќе изгледаат како нови

Read more

Како е поврзано пиењето кафе со ракот на дебело црево?

Read more

Фудбал

Милан сака да се засили со братот на Турам

Read more

Се побуни и Николов: Разочаран сум поради односот на селекторот Милевски

Read more

Канаваро: Наполи би го водел бесплатно, ама Де Лаурентис не ме бара

Read more

Дани Алвес откако излезе од затвор веднаш направи забавa славејќи до изгрејсонце

Read more
 

Спорт

Милан сака да се засили со братот на Турам

Читај повеќе

Се побуни и Николов: Разочаран сум поради односот на селекторот Милевски

Читај повеќе

Канаваро: Наполи би го водел бесплатно, ама Де Лаурентис не ме бара

Читај повеќе

Дани Алвес откако излезе од затвор веднаш направи забавa славејќи до изгрејсонце

Читај повеќе

Шпанците откриваат кога Модриќ заминува од Реал

Читај повеќе

Родри една година не доживеал пораз

Читај повеќе

Меси: Ќе се пензионирам кога ќе престанам да уживам во играта

Читај повеќе

Фудбалот во втор план: Стадионот на Фулам ќе има ложи со базен

Читај повеќе
  • play_arrow

Мхитарјан - фудбалерот полиглот со завршени два факултета

Читај повеќе