Спроведени се многу истражувања за влијанието на кафето врз човечкото тело и се покажа дека начинот на кој се подготвува кафето во голема мера влијае на тоа колку популарниот топол напиток е штетен или корисен за организмот.
Според експертите, турското кафе и еспресото се најопасни за човечкото тело.
„Таквите кафиња содржат поголеми количества на хемикалиите кафестол и кахвеол, кои негативно влијаат на кардиоваскуларниот систем, а исто така го зголемуваат нивото на нездравиот (LDL) холестерол и триглицеридите во крвта“, изјави нутриционистката Лиза Драјер за CNN.
Кафе со млеко и капучино се на второ место. Вака подготвените кафиња содржат повеќе калории бидејќи содржат млеко, па затоа систематското консумирање кафе со млеко може негативно да се одрази на фигурата.
Филтер кафето се покажа како најкорисно. Вака подготвеното кафе содржи најмалку штетни материи, покажува истражувањето објавено во European Journal of Preventive Cardiology.
