Четиринаесет европски држави протеруваат руски дипломати поради случајот Скрипал, изјави денеска претседателот на Европскиот совет Доналд Туск.
Во рамките на оваа изјава на Туск, Франција донесе одлука за протерување четворица руски дипломати поради скандалот со труење на поранешниот шпион Сергеј Скрипал во Британија, соопшти МНР на Франција.
Од друга страна и Американскиот претседател Доналд Трамп нареди протерување на 60 наводни руски шпиони од САД, како одговор на нападот со нервен агенс врз поранешен шпион Сергеј Скрипал во британскиот град Салисбури во почетокот на месецот.
Според висок претставник од Белата куќа, „48 лица за кои се знае дека вршат разузнавачки работи“ од рускиот Конзулат во Сиетл и 12 од руската мисија во ОН имаат седум дена да ги напуштат САД, јави АФП.