Хрватскиот репрезентативец Домагој Вида (33) е во потрага по нов клуб.
Бешикташ нема да го продолжи договорот кој му истекува на првиот ден од јули, а веќе со недели се шпекулира каде Вида би можел да ја продолжи кариерата. Се споменуваше и враќањето во ХНЛ, но искусниот стопер сега се повеќе се поврзува со заминување во Италија.
Пред две недели италијански Tuttomercato објави дека Наполи пројавил интерес за Вида, а сега истото го направи и Монца, новиот член на Серија А и клуб во сопственост на Силвио Берлускони. Целта на Монца е да се наметне во највисокиот ранг на италијанскиот фудбал, а нејзиниот предводник Адријано Галијани, кој беше и главен човек на Милан во времето на Берлускони, го смета Вида за засилување за тимот.
Монца веќе донесе искусен стопер
Монца веќе обезбеди доаѓање на нов стопер. Станува збор за искусен италијански и долгогодишен фудбалер на Интер, Андреа Раноки (34), но Берлускони и Галијани не планираат да застанат тука.
Вида играше во Бешикташ од јануари 2018 година, кога дојде од Киев Динамо. Кариерата ја започна во Осиек и како 21-годишен се пресели во Баер Леверкузен, но таму не се наметна и следната година се врати во Хрватска. Тој успеа да ја оживее кариерата во Динамо, кој потоа го испрати во странство.