Милијардерот Илон Маск соопшти дека профилот на Доналд Трамп е вратен, бидејќи корисниците на социјалната платформа го поддржаа потегот преку анкетата што ја иницираше.
„Народот одлучи“, напиша Маск на Twitter, информирајќи дека 51,8 отсто од над 15 милиони корисници гласале за враќање на профилот.
Поранешниот американски претседател, нема да се врати на платформата бидејќи претходно соопшти дека „не гледа причина за тоа“.
Неговиот профил беше суспендиран во 2021 година поради ризик од поттикнување насилство.
Претходниот менаџмент на Twitter го избриша профилот на Трамп неколку дена по нападот врз американскиот Капитол во Вашингтон на 6 јануари, додека Конгресот се обидуваше да ја потврди победата на Џозеф Бајден на претседателските избори.
Во немирите што се случија за време на рацијата во просториите загинаа четворица цивили и еден полицаец.
По инцидентите беа суспендирани профилите на Доналд Трамп на Facebook, Instagram и на Twitter, каде имаше десетици милиони следбеници.
Неколку месеци подоцна, Трамп лансираше сопствена платформа Truth Social.
