Твитот на поранешниот американски претседател Барак Обама по насилствата во Шарлотсвил стана најпопуларниот во историјата на социјалната мрежа Twitter.
Пораката во три дела во која Обама го цитираше Нелсон Мандела доби преку 3 милиони лајкови и над 1 милион ретвитања откако беше објавена на 13 август, по расистичкиот инцидент во Шарлотсвил, Вирџинија.
„Никој не се раѓа со омраза кон друг човек поради неговата раса, потекло или религија. Луѓето мора да научат да мразат, а ко може да научат да мразат, може да се научат и да сакаат, бидејќи љубовта му доаѓа многу поприродно на човечкото срце отколку нејзината спротивност“, Нелсон Мандела.
Твитот со оваа содржина беше објавен заедно со фотографија на Обама како се смее со деца од различно потекло застанати на прозорец.
Фотографијата беше направена во 2011 година кога Обама посети Центар за дневен престој во Мериленд.
