Вакцина против канцер би можело да биде достапна пред крајот на оваа деценија, смета брачната двојка Угур Сахин и Озлем Туреци, научници кои стојат зад една од првите вакцини против COVID-19.
Професорката Озлем опиша како mRNA технологијата во срцето на BiooNTech вакцината против ковид може да се пренамени така што да го поттикне имуниот систем да ги напаѓа клетките на рак наместо на коронавирус.
Запрашан кога вакцината против рак, основана на mRNA би можела да се употреби кај пациенти, професорот Сахин изјави дека има шанси да биде достапна пред 2030 година.
MRNA ковид вакцината делува пренесувајќи генетски упатства за безопасните шилести протеини на ковид вирусот во телото. Потоа, генетскиот код го преземаат клетките кои исфрлаат шилест протеин. Тие протеини потоа се користат како дел од одбранбениот систем.
Истиот принцип може да се примени за имунолошкиот систем се раздвижи да бара и уништи клетки од рак, вели Туреци, која е главен медицински службеник во BioNTech. Наместо да носи код што идентификува вируси, вакцината содржи генетски упатства за антигени на рак, протеини кои ги уништуваат површините на клетките на тумори.
Од BioNTech работеа на mRNA вакцини против рак пред избивање на пандемијата, но компанијата се насочи кон производство на вакцина против ковид откако се соочи со глобална криза.
Сега, компанијата има неколку вакцини против рак во клинички испитувања и се надева дека ќе развие третмани за рак на црева, меланом и други видови рак. Клетките на рак кои сочинуваат тумори можат да имаат широк спектар на различни протеини што ги прави исклучително тешки за правење вакцини чија цел се сите клетки на рак, а не и здравите ткива.
