Социјалната мрежа Twitter работи на опција која на корисниците ќе им овозможи да споделуваат одредени твитови само со специфична група луѓе.
Ако ова ви звучи познато, тоа е поради опцијата Close Friends на Instagram, која овозможува иста работа – споделување содржина со одбрана група луѓе. Во случајот на Twitter, твитовите ќе бидат ограничени на таканаречениот Flock.
Twitter ја најави опцијата уште во јули и ја нарече Trusted Friends. Оттогаш, Алесандро Палуци го следи напредокот на Twitter, а опцијата полека го добива својот финален облик.
Корисниците ќе можат детално да се информираат за опцијата, а меѓу главната карактеристика е што ќе може да се додадат до 150 луѓе. Таа група корисници ќе може да погледне или одговори на твитови наменети на Flock.
Доколку корисникот одлучи дека некоја личност не ја сака во својот Flock, може едноставно да ја отстрани, а таа личност нема да добие нотификација дека е отстранета.
Ако корисникот е во нечиј Flock, по испраќањето на твит ќе биде јасно дека се работи за содржина за одбрана група. Корисникот ќе има опција пред објава на твит да одреди дали сака да го видат сите кои го следат или само оние во флок.
Во септември Twitter воведе опција која функционира само на повик и овозможува поврзување на корисници со исти интереси. Оваа опција исто така овозможува испраќање твитови на специфична заедница наместо на сите корисници.