Ирската рок група У2 од мај до јули ќе има северноамериканска и европска турнеја со која ќе ја одбележи 30 годишнината од излегувањето на нивниот албум Joshua Tree.
Култниот албум е објавен во март 1987 година, а дел од него се некои од најпознатите песни на групата како With or Without You, I Still Haven't Found What I'm Looking For и Where the Streets Have No Name.
Албумот доби многу пофалби од критичарите и ја воодушеви публиката. Албумот е продаден во повеќе од 25 милиони примероци, а на групата и ги донесе првите две Греми награди.
Турнејата почнува во Ванкувер на 12 мај, а во Европа се сели на 8 јули. Популарнита рок група ќе настапи во Лондон, Берлин, Брисел, Рим, Барселона, Париз, Амстердам и Даблин. Предгрупа на европскиот дел од турнејата ќе биде Ноел Галагер со неговиот бенд Хај Флајинг Брдс.